De planta rectangular e estilo barroco, destaca nela o retablo que preside o altar maior, de estilo neoclásico e cunha policromía que arremeda ao mármore.

Edificio de planta rectangular e estilo barroco clasicista; conta con dous pequenos corpos engadidos aos muros da nave que cumpren as funcións de pequenas capelas. É interesante o retablo do altar maior composto por elementos neoclásicos.

Orixinalmente é un edificio do século XVIII pero que foi reconstruído a finais do século XIX; está situado preto da casa do concello.
Consérvanse da antiga igrexa a imaxe da Dolorosa e de San Xoán , que acompañan un cristo crucificado.

De planta rectangular dunha soa nave e estilo barroco. De escasa ornamentación e con chan de granito. Pódese sinalar como un elemento singular a pía bautismal que conta cos balaústres de madeira tallada.

Construción que data do século XX e que substitúe  outra anterior románica. Cómpre sinalar a presenza dun retablo situado no altar maior, policromo e que trata de imitar o mármore.

Edificación de planta rectangular. A fachada conta cunha serie de elementos identificables co estilo barroco, ao que pertence esta igrexa. Destaca o seu retablo que se atopa no altar maior e que conta con elementos neoclásicos.

De estilo barroco e planta rectangular con nave única, presbiterio e pequena sancristía. No presbiterio está situado un retablo neoclásico.

De estilo románico (século XII) pero con modificacións feitas no século XIX. Presenta un interesante altar maior que conta con elementos neogóticos ao que acompaña outro, con elementos neoclásicos, situado no muro setentrional. Tamén é interesante un fragmento de estilo barroco localizado no muro meridional da nave.

Edificio do século XIX de planta rectangular cunha única nave, presbiterio e sancristía separada da ábsida por medio dun muro. O retablo ten ornamentación neogótica.

Datada no ano 1792, de estilo barroco e planta rectangular.
Destaca nela o retablo barroco situado no altar maior, policromado, e no que aparecen representados unha serie de escudos nobiliarios.

De estilo barroco clasicista e con planta rectangular. Dispón dun retablo, de trazas barrocas, situado no altar maior.

De escasa ornamentación. É unha construción de planta rectangular na que se sitúan unha única nave e presbiterio.

De estrutura rectangular, coa sancristía apegada ao seu muro setentrional. Destaca o retablo do altar maior, polícromo e datado no barroco final.

De planta rectangular, cunha única nave, presbiterio e sancristía situada detrás do anterior. Conta con pouca ornamentación, pero sobresae o retablo do altar maior, de estilo neoclásico.

Edificio de estilo ecléctico clasicista reformado no século XIX sobre unha base románica de comezos do século XII.

De construción orixinal datada no século XV e xurdida dende unha torre da homenaxe, destinada á defensa, chegamos, tras unha serie de remodelacións, á actual planta en escuadra.
O edificio está pechado por unha muralla con portalón de estilo barroco; a carón do pazo atópase unha pequena capela.
Esta construción aparece citada por primeira vez no ano 1485 no testamento de Don Sueiro Gómez de Soutomaior. Dende este momento, ata mediados do século XX, estivo vinculada ás familias Soutomaior e Pimentel.
Actualmente este pazo pertence á empresa hostaleira Ruta Jacobea, que o dedica á celebración de todo tipo de banquetes.

Datos de contacto

Con planta en forma de “L”, é  unha  construción de feituras barrocas  a cuxa parte noble  se accede dende unha escaleira exterior. É salientable o portalón da entrada e o frontón triangular que hai enriba deste no que aparecen os escudos de armas dos propietarios do pazo.

Construción do século XVIII de planta rectangular. Conta cun pombal de planta circular e cun hórreo que descansa en seis piares de pedra.
Actualmente está dedicado ao turismo rural.

Datos de contacto

Construción do século XVII de planta rectangular disposta en dúas alturas, agás na parte engadida posteriormente que conta con tres.
Na parte superior dunha das portadas atópase un escudo de armas.