AXENTE DE EMPREGO

O Concello conta coa asistencia dun Axente de Emprego e Desenvolvemento Local para potenciar o papel da entidade local como motora da creación de emprego e apoiar decididamente a constitución de pequenas e medianas empresas, dado que a súa existencia favorece un tecido empresarial máis estable, a diversificación de actividades e sobre todo, un crecemento económico sostido.
Por este motivo ofrécese información a empresas e persoas emprendedoras sobre as políticas de emprego, os novos filóns de emprego, os instrumentos de promoción e fomento da competitividade empresarial, subvencións para a formación e emprego.